ګډ ژوند

د کوروالي په وخت کي د موبايل استعمال غټ زيانونه ښکاره شوه

ډېر نارینه موبایل په جیب او یا د پتلانه جیب کې ږدي.
دې ته یې پام نه وي، چې د دوی بیضیو( خوټو) ته د موبایل نیږدې والی خورا بد تاوانونه لري.
تاوان له دې جوړیږي، چې یادې برخې ته د موبایل نیږدې والی پر دغې برخې د الکترومگنتیک د څپو د خطرناک اغېز سبب ګرځي.
سربېره پردې د موبایل راډیویي څپې د نارینه وو پر سپرم هم منفي اغېز لري.
په دې اړه د پوهانو ترسره شویو څېړنو ښودلې ده، چې د موبایل راډیویي څپې د سپرم کیفیت او کمیت دواړه خرابوي او دا خرابوالی د نارینه وو په نسلي تولید او تکثیر باندې منفي اغېز پرېباسي.
دا هم باید وویل شي، چې که کوم نارینه له داسې مشکل سره مخ کیږي، لامل دې یوازې موبایل نه ګڼي.
ګڼ نور داسې لاملونه هم شته، چې د دې ستونزې له رامنځته کیدو سره مرسته کوي، خو یو عام لامل یې اوس موبایل ځکه دی، چې هر کس څو دانې جیب ته اچولي وي.
نو موبایلونو سره پام کوئ، که عاجل ضرورت نه وي، زیات یې درسره نیږدې حتا مه ږدئ، په جیب کې ایښودل یې ضرورت وګڼئ او که د غلو ډار او د موبایل د پاتې کیدو تشویش نه وي، ښه به وي، چې لاس کې یې ونیسئ، یا که درسره کوم بیک یا خلته وي، هغلته یې هم د نه ضرورت وخت کې ایښودی شئ.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *