روغتیا

یوه پخوانۍ کورنۍ نسخه که معده مو سوزي نو دغه ډول يي سوز ارام کړى

یوه پخوانۍ کورنۍ نسخه چې خلک وايي، کله مو تروش او مساله لرونکي خواړه خوړلي وي نو بیا مو سینه او معده سوزي نو وايي شیدی څښل يې اراموي خو اوس ساینس دا خبره په ثبوت رسولي هغه څنګه؟ دلته يې لوستلی شئ.

پیروي لرونکی شیدي یا بې پیروي دا دواړه د مرچ لرونکو مسالو او نورو عواملو له امله د معدې او سینې سوزیدنه کموي خو نور ټول یخ او ګرم مشروبات دا نشي کولائ چې د معدې سوزیدنه کمه کړي.

د پنسلوانیا اسټیټ پوهنتون يو وړه څیړنه کړي په ۷۲ تنو.

لومړی دغو کسانو ته مرچ لرونکي څښاک ورکړ بیا دغو کسانو ته قسماقسم څښاک ورکړل لکه اوبه، د الکولو پاک بیر، کاربونیټ لرونکي اوبه، کاکوکولا او په اخر کې شیدې ورکړي چې ټولو د شیدو سره د معدې نه سوزیدنی احساس وکړ.

په مرچو کې يو مرکب شته چې کیپسیسن نومیږي کیپسیسن د معدې او خولې سوزول پیدا کوي، چې په شیدو کې یو ډول خاص پروټین شته چې دا بیا دا سوی کموي.

پوهان وايي، چې الکول لرونکي څښاک او بئیر مطلب شراب د معدې سوزیدنه نه کموي بلکې نوره هم زیاتوي همدا ډول سوډا لرونکي مشروبات هم د معدې د سوي له کمولو سره مرسته نه کوي، لنډه دا چې هر رقم مرچو کې کیپسیسن شته او د دې علاج په شیدو کیږي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *