روغتیا

د خېټې باد علت او درملنه یې

ډاکتر مرجان

په ګېډه کې د خوړو د ناهضمۍ له کبله په خېټه کې باد ټولیږي، او خېټه بړسیږي، چې دې ته د خېټې باد ویل کېږي

اسباب:

په معده کې التهاب، زخم او یا څه غوټه پېدا کېدل، د تریخي التهاب په خوړلو او څښلو کې زیاتوالی، ځینې وخت د غم او غوسې له کبله هم په معده کې خواړه نه هضمېږي او باد ترې پېداکېږي.

نښې:

خېټه پړسېږي، په زړه باندې بوج محسوسېږي، د زړه درزا زیاتېږي له ارږو سره باد خارجېږي.

حفاظتي تدابیر:

۱بابد له سګریټ، نسوارو او پان څخه پرهېز وسي.

⑵ شیدې کوکاکولا، شربت، شړومبې دې لږ استعمال شي.

⑶ خواړه دې کم وخوړل سي، ځان دې ډېر نه مړوي لږ دې وږی وساتي.

⑷ خوړو خوړلو سملاسئ او یا په منځ کې اوبه مه څښئ، نیم یا یو ساعت وروسته اوبه وڅښئ.

⑸ خواړه په ورو، ورو ښه وژویئ او بیا یې تېر کړئ له ژر ژر خوړلو سره یو ارخ خواړه سم نه هضمېږي او له بل پلوه معدې ته هوا ننوځي.

⑹ هغه خواړه چې معدې کې باد پیداکوي لکه دال، مټر، رومي بانجان، پیاز، ګلپي، او داسې نور مه کاروئ.

⑺ له غرمنۍ ډوډۍ وروسته یو څه خوب کول پکار دي او ماښام تر ډوډۍ وروسته یو څه ګرځېدل لازم دي.

درملنه:

د دې ناروغان هضموونکي Enzymic دواګانې ګټه نه کوي، باید مسکن او د اعصابو مسکن Tranquilizer دواګانې ورکړل شي، مثلا تر خوړو وروسته Tab. Librium

د ورځې درې ځلې یا Tap. Librox درې ځلې

د اسهال لپاره Tab, Metronidiazole یا Tab. Flagyl

که له باد سره سوی هم محسوسېږي. نو د تېزابیت ضد

درمل لکه Tab. Trisil یا Tab. Syp. Semico د ورځې درې ځلې وروسته له خوړو او یا د اړتیا په وخت کې یوه ګولۍ یا دوه کاچوغې شربت ناروغ ته ورکړئ.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *