په حقيقت کې د ښځو د شرمګا مايعات او اوبه ددې سره مرسته کوي چې د يوې مېرمنې توليدي سيستم روغ پاتې شي، له همدې کبله د شرمګا اوبه يا ترشحات په ټوله کې بد شی نه دي او مېرمنې دې زیات تشويش نکوي.
دغه مايعات د ښځو په شرمګا کې د ځينو غدو له لوري جوړېږي، دا مايعات دا دنده لري چې رحم د بکترياو او نورو ميکروبي مضرو موادو څخه خوندي وساتي، له همدې کبله د شرمګا مايعات کوم بد شی نه دي بلکې د ښځو د جنسي او توليدي سيستم د روغتيا نښه ده.
کله چې د مياشتينی عادت د بدلون نیمايي ته يوه ښځه رسېږي نو په دې وخت کښې د تخم ګذارۍ مرحله وي او ورسره د شرمګا مايعات په بې سارې توګه زياتېږي، دا مايعات شفاف او کش خوړونکي وي.
