Category: ګډ ژوند

د ښځې او خاوند ترمنځ د جنسي اړيکو تر سره کولو د اسلام په مبارک دين کې او همدا ډول د اوسني دور په طب او روغتيا کې د پاملرنې وړ ټکي لري. هر کله چې د ښځې او خاوند ترمنځ په بې پروا ډول او پرته له ځانګړې پاملرنې جنسي اړيکې تر سره شي، نو شونې ده، چې په کم وخت د دواړو (ښځې او خاوند) د مرګ سبب شي.

د ټېکنالوژۍ او صنعت په ودې سره، مختلفې نوې ناروغۍ او ويروسونه منځ ته راغلي او همدا ډول د نړۍ د انسانانو ترمنځ د پرمخ ودې اړيکو له امله دغه ناروغۍ او ويروسونه د نړۍ له يوې برخې څخه بلې ته لېږدول کيږي. ساري ناروغۍ په بېلا بيلو لارو له ناروغ کس څخه جوړ کس ته انتقاليږي، چې د انتقال يوه عمده لار يې غېرې روغتيايي او پرته له احتياط څخه جنسي اړيکې هم دي.

په دې لېکنه کې هغه څلور عامې ناروغي درته په ګوته کوو، چې له ناروغ کس څخه روغ کس ته د جنسي اړيکو د تر سره کولو له امله منځ ته راځي.

۱- کلاميديا Chlamydia: په دې ناروغۍ ځوان کسان، نارينه او ښځينه اخته کېدای شي. کلاميديا د Chlamydia trachomatis بکتريا په اساس تناسلي سېستم تر بريد لاندې نيسي. کلاميديا په ښځو کې څرګندې نښې – نښانې نه لري، خو په نارينو کې يې د ادرار په ټيوب کې له يو وخت وروسته نښې را ښکاره کيږي.

کلاميديا په نارينو کې د سپرم کڅوړې يا بيضې ميکروبي کوي او که درملنه يې تر سره نه شي، نو د جنسي اړيکو په پايله کې ميرمنې ته هم لېږدول کيږي. کلاميديا په لومړيو کې تناسلي سېسټم له منځه وړي او د وخت په تېرېدو سره د انسان ژوند هم ګواښي.

۲- سوزاک Gonorrhea: سوزاک د تناسلي سېسټم مشهوره ناروغي ده. دغه ناروغي په ښځه او خاوند دواړو کې منځ ته راځي. د سوزاک لومړنۍ نښې د ادرار کولو په وخت خارښت او سوزېدل دي، چې وورسته له ادرار سره وينه هم مله وي. د سوزاک منځ ته رواړنکې بکتريا د Neisseria gonorrhoeae په نوم ياديږي. کله چې ښځه او خاوند په سوزاک اخته شي، نو لومړی اغېز يې په تناسلي سېسټم وي، چې وروسته يې اغېز په مقعد، مرۍ او د وجود په نورو برخو کې هم را ښکاره کيږي.

د سوزاک له اوږدوالي وروسته بله نښه يې، د بندونو درد يا joint pain دی. د يادونې وړ ده، چې سوزاک د کلاميديا او کلاميديا بيا د سوزاک لپاره لار پرانيزي. د يوې ناروغۍ په شتون کې بله په اسانۍ سره خپل فعاليت زياتولی شي.

۳- تريکومونا Trichomoniasis: تريکومونا لومړۍ نښې نه لري، خو د وخت په تېردو سره، له تناسلي آلو څخه سپين رنګه او زيړ رنګه ميکروبي ماده بهيږي. تريکومونا د تناسلي سېسټم د ټپ يا زخمي کېدو لامل کيږي او د درملنې ورستۍ لاره يې بيا جراحي عمليات دي، خو په لومړيو وختونو کې د انټوبيوټيک په وسيله يې درملنه ارزانه او اسانه ده.

۴- هپاتيت Hepatitis: د هپاتيت ناروغۍ دوه ډولونه لري، چې د هپاتيت بي او هپاتيت سي په نومونو ياديږي. هپاتيت د تناسلي سېستم ناروغۍ ده او د جنسي اړيکو له امله منځ ته راځي، خو مستقيم اغېز يې بيا په ځيګر باندې دی.

هپاتيت بي ويروس يا HBV او هپاتيت سي ويروس يا HCV پرته د جنسي اړيکو څخه، د وينې په ورکړې هم له ناروغ کس څخه روغ کس ته انتقاليږي.

هپاتيت بي ويروس HBV چې د جنسي اړيکو او يا د وينې د ورکړې له امله رامنځ ته شي، نو اغېز يې په ځيکر باندې وي، چې د نه درملنې له امله د ځيګر سرطان رامنځ ته کوي او د مرګ سبب کيږي.

د هپاتيت Hepatitis په اړه د اندېښنې خبره دا دده، چې تر ډېره يې نښې – نښانې نه ښکاري، خو که يو ځل يط اغېز ډېر شي، نو بيا يې درملنې لارې – چارې هم ناشونې دي.

پورته ټولې ناروغۍ په لومړنيو پړاونو کې په اسانۍ سره د انټي بوتيک درملو په اساس له منځه تللی شي، خو د وخت په تيردو او د ناروغۍ په اړه بې پروايي دغه ناروغۍ جدي کوي، چې بيا يې درملنه مشکله او د مرګ تر پولو رسيږي.

هغه ډاکټر چې د تناسلي سېسټم د ناروغيو درملنه کوي، د يورولېجسټ Urologist په نوم ياديږي. نو هر کله چې په تناسلي سېسټم د کډوډۍ نښې – نښانې ولېدل شي، نو لومړی بايد د جنسي اړيکو له تر سره کولو په کلکه ډډه وشي او وروسته پرته له دې چې، د شرم احساس وشي، د تناسلي ناروغيو له متخصص ډاکټر يا Urologist سره بايد مشوره وشي او ناروغي تر درملنې لاندې ونېول شي.

نوي ځوانان په کوروالي کې د خطرناکو کارونو په هکله چندان معلومات نلري، د معلوماتو دا نشتون سبب کېږي چې دوی په کم وخت کې د ډول ډول جنسي ناروغيو، حتی خپلو جنسي غړو ته د زيان رسولو سبب شي.

پخوا په جنسي اړیکو کې یوه لویه ناروا دا وه چې ډېرو خلکو به علاقه درلوده د شا له لارې د خپلې ښځې سره کوروالی وکړي، دا کار د یوه لوري د ديني فرمانونو له لوري منعه شوی و د بل لوري یې ښځې ته سخت زيان درلود.

په اوس وخت کې بيا یوه بله ناروا د غوړېدو په حال کې ده، دا ناروا د خولې له لارې جنسي اړیکې دي، په حقيقت کې دې ته جنسي اړیکې نشو ویلی خو حقيقت یې داده چې ښځه او نارينه د يو بل جنسي غړي په خوله باندې انزال ته رسوي.دا ډول کړنې په صحي ډول د بدن لپاره خطرناکې دي، د ډول ډول ناروغيو د پيدا کېدو او انتقال کېدو سبب کېږي، ان د خولې د سرطان سبب کېدی شي.

په نړۍ کې په هره ثانیه کې ۴۰۰۰ نفر په کوروالي باندې بوخت وي، دا په دې مانا ده چې کوروالی په نړۍ کې يو ترټولو زيات ترسره کېدونکی کار دی. په دې ټولو کې د هر نارينه هڅه داده چې کوروالی یې ډېر وخت ونيسي او ښه کوروالی وکړي.

په کوروالي کې د اطاق هوا ډېر زيات مهم عنصر دی، هڅه وکړئ د کوروالي خونه مو ګرمه وي، په ګرمۍ کې نارينه ښه کوروالی کوي، د وينې رګونه پراخېږي جنسی غړی خپل ترټولو لوړې اندازې ته رسېږي.

د خونې يا کوټې د ګرم ساتلو ترڅنګ کوروالی په داسې وخت کې کول چې بشپړه آرامی وي لا دا چاره خوندوره کوي، عموماً کله چې د شپې مکمله تياره او خاموشي حاکمه شي کوروالی ترټولو په ژور او خوندور شکل صورت مومي.

ښځې په کامله خاموشۍ کې ځان ډېر خوندي احساسوي او په داسې شرايطو کې بهترين کوروالی کوي، دوی په دې ډول حال کې هېڅ نه شرمېږي او څه یې چې په زړه کې وي هغه ترسره کوي.

درې (۳) شيان چې جنسي تحريک او جنسي لېوالتيا وژني
ډاکټر نېک محمد ويال – د روهي وېب پاڼې څښتن

د ښځې او خاوند ترمنځ جنسي اړيکې هغه وخت رامنځ ته کيږي، چې دواړه په جنسي ډول هڅول شوي وي او د جنسي اړيکو د تر سره کولو لېوالتيا ولري. که د جنسي اړيکو په وخت کې يو لوری په جنسي ډول تحريک شوی وي او بل نه، نو هغه کس چې په جنسي ډول نه وي تحريک شوی، د جنسي اړيکو تر سره کولو ورته تحميلي وي.

لاندې درې شيان تحريک شوې جنسي اړيکې وژني؛ د ښځې او خاوند ترمنځ د جنسي اړيکو د نه تر سره کولو لامل کيږي.

۱- ځيني درمل: دا به مو اورېدلي وي، چې د ېوې ناروغۍ لپاره درمل ښايي د وجود په بله برخه يا په وجود کې په بله موجوده ناروغۍ بد اغېز وکړي، چې ورته عوارض جانبي يا Side Effects وايي. دغه عوارض جانبي په جنسي اړيکو باندې هم اغېز کوي او شوني ده، چې دجنسي اړيکو لېوالتيا له منځه يوسي.

د پروستات غدې، سرطان او شمېر نورو نارغيو درمل، جنسي هڅونه وژني. نو ديادو درملو په خوړلو سره، که جنسي اړيکې بې خونده وي، نو ستونزه يې څرګنده او دغه درمل دي. د جنسي هڅونې د نه شتون له امله بايد اندېښنه ونه شي.

۲- الکول او کافئين: په ډېره اندازه سره د الکولو او کافئين څښل لومړی، له انسان څخه دا هيروي، چې څوګ دی او په کوم حالت کې دی. نو کله چې نارينه او ښځينه په عادي ډول د ځان کنټرول ونه لري، نو شونتيا شته چې په جنسي غرېزې بد اغېز پرېوځي او د ډېرې نشې په وخت کې يې جنسي تحريک له منځه لاړ شي.
کافئين او الکول په وجود په جنسي هورمونونه داسې اغېز کوي، چې د جنسي هورمونو درجه راښکته کوي.

۳- ذهني ګډوډۍ: هر ډول روحي فشار، اندېښنې، کورنۍ ستونزې، تشويش او فکري خرابتيا هم، جنسي هڅونه وژني. په روحي او ذهني فشارونه سره، د جنسي هورمونو ترشح کونمې غدې خپل فعاليت سستوي او د خوب په حالت کې پاتې کيږی.

نو پا يله کې ويلي شو، چې د جنسي غرېزې کموالی دوه لامولونه لري، لومړی يې پورته يادو شوي لاملونه دي، چې په غېر مسعقيم ډول په جنسي هڅونه اغېز کوي او جنسي تحريک او غرېزه وژني. دويم په تکثري سېسټم ستونزېې او يو شمېر نور فزيکي ناروغۍ دي.

د اسلام مبارک دين امر کوي، چې نکاح ارزانه کړئ، نو زنا به قيمته او سخته شي. د دغه خبرې مطلب په دې کې دی، چې د هلک او جينۍ له بلوغ وروسته يې، مور او پلار بايد په دې لټه کې شي، چې په شرعي طريقي سره يې وادونه وکړي.

هر کله چې هلک او جيني سره واده کوي، نو دوی د ژوند يو ډېر مهم پړاو ته دننه کيږي، چې په ورځنۍ اصلاح ورته ګډ ژوند وايي. د ښځې او خاوند ګډ ژوند دوی، د دوی د اولادونو او هم دا ډول د ټولنې د ښې راتلونکې سبب کېدای شي. خو که چېرې په ګد ژوند کې ستونزې موجودې وي، نو اغېز به يې په ښځه او خاوند او هم دا ډول په اولادونو بد وي.

د ګډ ژوند له ستونزو څخه يوه ستونزه د ښځې او خاوند ترمنځ د جنسي اړيکو د سر ته رسولو په وخت کې، نه همغږۍ، په اجباري ډول د جنسي اړيکو سرته رسول، جنسي ستونزې، ويره او نور دي، چې کولی شي نوی پيل شوی ګد ژوند د تيارې په لورې يوسي. ښځې او خاوند دواړو ته په کار ده، چې د ژووند په ټولو برخو کې؛ په ځانګړې ډول په جنسي ستونزو او نا برابريو کې، د يو او بل په څنګ کې وي او پر وخت کې درملنه او حل پيدا کړي.

په دې لېکنه کې د جنسي اړيکو په وخت کې هغه ستونزې درته په ګوته کوو، چې ښځې ورسره مخ دي.
۱- جنسي ستونزه څه ته وايي؟
جنسي ستونزه هغه ستونزه ده، چې د ښو، مثبتو، همغږه، قانع او روغتيايي جنسي اړيکو مخنيوی کوی.

۲- په ښځو کې د جنسي ستونزو نښې – نښانې:
که څه هم په ښځو کې جنسي ستونزې له يوې تر بلې ښځې، او همدا ډول د عمر، ځای، کورني ژوند او نورو لاملونه په اساس توپير لرونکې دي، خو په عمومي ډول په ښځو کې د جنسي ستونزو څو نښې په لاندې ډول دي.
– د جنسي اړيکو د تر سره کولو په پار کمه او يا په مکمل ډول د جنسي اړيکو د نه ترسره کولو هيله.
– په مشکل ډول ښځه جنسي اړيکو ته هڅول او تحريک کيږي او يا د جنسي اړيکو د تر سره کولو هيله په کې مړاوې وي.
– د جنسي اړيکې وروسته ښځه جنسي اوج يا ارګازم ته نه رسيږي.
– د جنسي اړيکو په وخت کې، د درد حس او شتون.

۳- په ښځو کې د جنسي ستونزو لاملونه: مخکې له دې چې په ښځو کې د جنسي ستونزو په لاملونو خبرې وکړو، لومړی بايد په ښځو کې د جنسي ستونزو لاملونه په دوو لويو برخو ووېشو. چې يو يې فزيکي لاملونه دي او دويم هم روحي فشارونه او لاملونه دي. په عمومي ډول په ښځو د جنسي ستونزو لاملونه په لاندې ډول ښودلی شو.

– تريخ کورنۍ ژوند، اندېښنې، ذهني فشار، په تېر وخت کې ورسره د بدو پېښو لکه جنسي تيري او يا د جنسي زورونې خاطرې.
– د هورمونو ګډوډي، عصبي مشکل، په تناسلي سېسټم کې ستونزې او ناروغۍ.
– د ځينو ناروغيو څخه د درملو خوړل هم په ښځو کې جنسي ستونزې رامنځ ته کوي. د بلېګې په ډول دوينې د فشار او شکرې د ناروغۍ درمل د جنسي ستونزو لامل کېدای شي.

۴- په ښځو کې د جنسي ستونزو درملنه: تر ټولو غوره لاره دا ده، چې لومړۍ جنسي ستونزه تشخيص شي؛ چې روحي ده او که فزيکي؟ که چېرې په ښځه کې جنسي ستونزه د اندېښنو، ويرې، تشويش، روحي فشار، تريخ کورني ژوند، په ژوند کې د ناهيلۍ او نورو په وجه وي، نو بهتره درملنه يې دا ده، چې له خاوند سره دغه پورته ستونزې شريکې شي. خاوند ته په کار ده، چې په پوره پاملرنې سره د پورته يادو ستونزو په اړه فکر وکړي او د ژوند له ملګرې سره يې په داسې ډول حل کړي، چې نوموړې په ځان باور پيدا کړي او د ناهيلۍ له رنځ خلاصه شي.

که چېرې ستونزه روحي نه بلکې فزيکي وي، لکه د هورمونونو ګډوډي، عبصي مشکل، د تناسلي سېسټم ناروغۍ او نور، نو بيا غوره ده، چې په وخت سره له اړوند متخصص ډاکټر سره مشوره وشي، درمل وخوړل شي او د مخنيوي هڅه يې وشي.

که چېرې د ښځې او خاوند دواړو، جنسي ستونزو ته په کم نظر سره وکتل شي، نو لېرې نه ده، چې خو خوږ ګډ ژوند به د تيارو په لور ټيل وهي، هم به د ښځې او خاوند ګډ ژوند د نورو ستونزو ښکار شي او هم به يې اولادونه له رنګ – رنګ ستونزو سره مخ وي.

د جنسي اړيکو په وخت کې، د زر انزال (مني وتلو) لامولونه او درملنه
ډاکټر نيک محمد ويال – د روهي وېب پاڼې څښتن
 
ډېری نارينه له دې ويرې واده نه کوي او په ځان داسې بې باوره وي، چې ښايي د جنسي اړيکو په وخت کې به زر انزال ته ورسيږي، اولاد به يې پيدا نه شي او يا به هم د خپلې ميرمنې پر وړاندې وشرميږي.

بيا ځينې نور کسان چې واده يې کړې وي او متاهل وي له همدې ويرې نه غواړي، له خپلې ښځې سره جنسي اړيکې ترسره کړي. دوی فکر کوي، چې د جنسي اړيکو په وخت د زر انزال ستونزه د شرم وړ خبره ده، چې بايد د ژوند له ملګرې (ښځې) څخه هم پټه وساتل شي او يا هڅه کوي، ترڅو داسې درمل وخوري، چې د جنسي اړيکو په وخت د انزال د زر ستونزې سره مخ نه شي.

خو دا بايد ذکر شي، چې هغه خلک چې له وخت مخکې انزال ته رسيږي، طعبي او غوره درملنه يې له خپلې ښځې سره د ستونزې شريک کول دي او په دې اړه تمرين کولو ته اړتيا ده.

۱- زر انزال څه ته وايي:
له وخت مخکې د مني وتلو ته په انګلېسي کې premature ejaculation وايي. دا هغه ستونزه ده، چې د جنسي تحريک او هڅونې سره سم، مخکې له دې چې جنسي نېږدوالی وکړي، انزال کيږي او مني يې بهر کيږي.

زر انزال يا PE هغه حالت دی، چې د خاوند او ښځې د توقع له وخت وړاندې خاوند انزال ته ورسيږي.

۲- د زر انزال يا premature ejaculation لاملونه:
– سېروټونېن serotonin: سېروټونېن يوه طعبي عصبي ماده ده، هر کله چې سېروټونېن په غېرې نارمل ډول سره په وجود کې شتون ولري او يا په دماغي سېسټم کې سېروټونېن له ستونزو سره مخ وي، نو په پايله کې نارينه له وخت مخکې انزال ته رسيږي او مني خارجيږي.

– روحي لامولونه: بېلا بېل روحي او ذهني فشارونه لکه ويره، په ځان بې باورۍ، کورنۍ ستونزې، اندېښنې، تشويش، له جنسي اړيکو وړاندې نه تحريک، د ښځې او خاوند ترمنځ بې له کومې مقدمي په سمد لاسه توګه د جنسي اړيکو تر سره کول او داسې نور هم، د زر انزال لاملونه کېدای شي.

– بيولوژيکي لامولونه: د نارينه د وجود د جنسي هورمونو ګډوډي، د تناسلي سېسټم ناروغۍ، د عصبي سېسټم ګډوډي، د تناسلي غړو ستړيا، د پروسټاټ غدې التهاب او نور هم د زر انزال لاملونه دي.

۳- د زر انزال يا premature ejaculation درملنه:
– د زر انزال ستونزه بايد د ژوند له ملګرې سره شريکه شي، د جنسي اړيکو په وخت کې د هڅه وشي، چې دومره تحریک رامنځ ته شي، ترڅو انزال ته نېږدې شي، بيا د انزال له کولو ډډه وشي. دا کړنه بايد په يوې اونۍ کې څو ځلې تکرار شي، ترڅو هغه عضلي چې د زر جنسي انزال لامل دي او سستې شوې دي، غښتلي او قوي شي.

– د کاندم څخه دې ګټه واخېستل شي. د جنسي اړيکو په وخت کې د کاندم اغوستل د نارينه هغه زيات تحريک او جنسي هڅونه کموي، چې د زر انزال سبب کيږي. د ښځينه تناسلي آلو سره د نارينه د تناسلي آلو مسقيمه لږېدنه د زر انزال لامل دی، خو که چېرې کاندم واغوستل شي نو هغه حساسيت چې د زر انزال سبب کيږي له منځه وړي.

– له لومړي انزال وروسته د دويم ځل لپاره انزال د يو څه اوږد وخت لپاره دوام کوي. کله چې په لومړی وار کوروالی يا جنسي اړيکې ترسره او د زر انزال ستونزه منځ ته راشي، نو د ويم ځل لپاره جنسي هڅونه کولی شي، چې انزال اوږد کړي.

– که چېرې د زر انزال يا وخت څخه مخکې د مني د خارجېدو ستونزه ډېر او جدي وي، نو غوره ده چې يورولوجېسټ يا د تکثري او تناسلي نارغيو له متخصص ډاکټر سره پرې وکتل شي او اړونده درمل يې وخوړل شي.

ډېری خلک د خپلو تناسلي نارغيو په اړه د شرم احساس کوي، تر دې چې هڅه کوي، دغه ناروغي له خپلې ښځې او متخصص ډاکتر څخه هم پټه وساتي. چې دغه ناوړه کړنه يې په ناروغي د جديت او ډېروالي لامل کيږي او په راتلونکې کې خپل کورنۍ ژوند د ځان لپاره تريخ او له ستونزو ډکوي.

ډېری نوې جوړې د کافي تجربې، معلوماتو د نشتون له وجې د خپل جنسي ژوند څخه هغه خوند نشي اخيستلای څه ډول یې چې دوی خيال کړی و، ډېر کله دا د هلک او نجلۍ د خیالونو ماتیدل شي، هلک چې فکر یې کړی و مست او ښکلي جنسي ژوند به لري اوس ګوري چې هرڅه ېر معمولي دي.

ډېری نارينه سمدلاسه د خپلې مېرمنې ملامتول شروع کوي، فکر کوي که یې د بلې لا ښې ښځې سره واده کړی وی نو ګډ ژوند به یې اوس داسې نه و.

خو په حقيقت کې د وخت په تېرېدو باندې دوی تجربه ترلاسه کوي او ورو ورو د اړيکې څخه خوند اخيستل شروع کوي، ددې لپاره چې يو کس د بې تجربه ګۍ له کبله ډېر ونه ځوریږي نو ښه ده چې په دې هکله کافي معلومات او علم ترلاسه کړي ترڅو پورې په هرڅه مخکې له مخکې پوه وي.د موټي وهل، بربنډو فلمونو کتل، رواني فشارونه، تنګ لاس او زنده ګي، د عمر زیاتوالی، ډول ډؤل ناروغۍ هم ددې سبب کېږي چې يو کس د جنسي اړیکې څخه د پام وړ خوند ترلاسه نه کړي.

هغه پنځه (۵) شيان چې د جنسي اړيکو مخکې يې، ښځه او خاوند په هېڅ صورت بايد هېر نه کړئ

 نیک محمد ویال

د اسلام په مبارک دين کې ښځه د خاوند او خاوند د ښځې لپاره جامه او لباس ياد شوې دي. د ښځې او خاوند ترمنځ د کورني ژوند او همدارنګه د جنسي اړيکو يا جنسي نېږدېوالي په اړه د اسلام مبارک دين ټولې لارې –

چارې ښوودلې او په ګوته کړې دي، چې د ورځې عصري علومو او طب يې په اوسنيو وختونو کې په ثبوت رسوي، ګتې او زيانونه يې وړاندې کوي.

لکه څه ډول مو چې په نورو لېکنو کې هم ويلي وو، چې جنسي اړيکې بايد يوازې په دې پار ترسره نشي، چې جنسي غرېزه په کې مقصد او مراد وي، بايد موخه يې ګډ خوښ کورنی ژوند او د اولادونو روښانه راتلونکی وي.

په دې لېکنه کې درته هغه پنځه شيان په ګوته کوو، چې ښځه او خاوند يې بايد د جنسي اړيکو وړاندې هېر نه کړي.

۱- د زياتې او درندې غذا نه خوړل:

کله چې ښځه او خاوند اراده ولري ترڅو جنسي اړيکې تر سره او له دې وړاندې ډېره ډوډۍ وخوري، نو شونې ده، چې د جنسي اړيکو غرېزه يې کمه شي او د خوب احمتال زيات شي. همدا ډول له جنسي اړيکو وړاندې د ډېرې غذا خوړل په معده باندې فشار او زرو راوړي، هم د جنسي اړيکو پر وړاندې خنډ ګرځي او هم د هضمې په سېسټم کې ستونزې رامنځ ته کوي.

بايد يادونه وکړ، چې د جنسی اړيکو د ترسره کېدو وړاندې د ټولو هغه خوراکونو له خوړلو ډډه وشي، چې تېز بوی ولري. پياز، هوږه، ګندنه او نور هغه خوراکونه دي، چې د تنفس بوی بد کوي، او د جنسي اړيکو په وخت کې د ناراحتۍ لامل کيږي.

۲- اندېښنه نه کول او پر ځان باور:

ډېر خلک د خپل اقتصادي حالت، فزيکې څېرې، کورنيو ستونزو او نورو اندېښنو له امله هڅه کوي، چې د جنسي اړيکو له تر سره کېدو ځان لېرې وساتي. داسې کسان هم شته چې د زر ارګازم له امله د شرم احساس کوي او غواړي؛ په یوې نه، په بلې بهانې سره جنسي اړيکې ترسره نه کړي.

بايد په ياد ولري، چې د ارګازم زر رسېدنه او ځېنې نورې ستونزې د خپل د ژوند له ملګرې سره شرېکې شي، ترڅو ورسره مرسته وشي او له شر يې خلاص شي.

که چېرې نارينه د زر ارګازم ستونزه ولري، نو د خپلې ښځې سره د جنسي اړيکو په وخت د يادې ستونزې تر ټولو هغه درملنه کيږي، نو هڅه دې وشي، چې خپلې ستونزې له يو او بل سره شريکې کړي.

۳- ادرار (تشې متيازې کول):

له جنسي اړيکو وړاندې او وروسته د ښځې او خاوند دواړو لپاره توصيه کيږي ترڅو ادرار وکړي. له جنسي اړيکو وړاندې ادرار کولو مثانه خالې کوي او د جنسي اړيکو په وخت کې په مثانه فشار کميږي.

له جنسي اړيکو وروسته د ادرار کول په دې مفيد دي، چې هغه مضرې بکترياوې چې د جنسي اړيکو په وخت کې د خاوند بولي مجرا ته دننه شوې دي او همدا ډول هغه مني چې له جنسي ارګازم وورسته په بولې مجرا کې پاتې دی، بهر شي.

د ښځې لپاره هم له جنسي اړيکو وروسته د ادرار کولو غوره کړنه ده. د ښځې د تناسلي آلې لارې د جنسي اړيکو په وخت کې يو شمېر مضرې بکترياوې مثانه ته دننه کيږي، چې له جنسي اړيکو وروسته دغه مضرې بکترياوې د ادرار په وسيله بيرون کيږي.

۴- د اولاد د مخنيوي درمل:

که چېرې ښځه او خاوند د روغتيايي ستونزو او نورو کورنيو مشکلاتو پر اساس نه غواړي، چې ښځه حمل واخلي، نو بيا اړينه ده چې د جنسي اړيکو د تر سره کېدو وړاندې، کندم او يا نور داسې درمل چې د اولا د منځ ته راتګ مخنېوی کوي؛ وخوړل شي.

۵- جنسي هڅونه:

له جنسي اړيکو وړاندې بايد جنسي هڅونه چې په انګلېسي کې ورته Foreplay وايي ترسره شي. که چېرې ښځه له جنسي اړيکو وړاندې تحريک نه شي، نو تناسلي آله يې وچه پاتې کيږي، چې د جنسي اړيکو په وخت کې د درد او ناراحتۍ لامل کيږي.

همدارنګه له جنسي اړيکو وړاندې جنسي تحريک او هڅونه، هغه وېره، ډار، اندېښنې او پر ځان نه باوري له منځه وړي، چې له ښځې او خاوند سره موجودې وي.

په ښځو کې د بکارت پرده (Hymen) څه ته وايي؟ په اړه اووه (۷) اړين حقيقتونه

الله (ج) د انسان وجود په دسې ډول سره خلق کړی دی، چې که په اړه يې ژور فکر وشي، نو دې پايلې ته رسيږو چې الله واحد او په هر څه قادر ذات دی.
 
له عصبي سېسټم شروع بيا د ويني دوران سېسټم، هاضمې سېسټم، تنفسي سېسټم، اطراحيه سېسټم، تناسلي سېسټم او نور. ياد ټول سېسټمونه په دوامداره توګه کار کوي او مهمه يې دا ده چې د يو سېستم غړي مختلفې دندې پر مخ وړی شي. د نارينه او ښځينه تناسلې سېسټومونه نه يوازې د تکثر دنده پر غاړ نه لري، بلکې اطراحيه، تکثري او د جنسي غرېزې د پوره کېدو ټولې دندې پر مخ وړي.
 
په دې لېکنه کې، په ښځو کې له واده مخکې د يو مهم نسج په اړه مالومات او ځينې نور اړين ټکي په ګوته کوو.

د بکارت پرده: د بکارت پرده چې په انګليسي کې ورته (Hymen) وايي، هغه پرده يا نازکه غشاء ده چې د ښځې د مهبل يا تناسلي آلې دننه تيوب یې پوښلی دی. يا په بل عبارت، د بکارت پرده د يو شمېر نسجونو مجموعه ده، چې د ښځو د تناسلي آلې سوری له دننه څخه پوښي او همدارنګه، د بکارت پرده مهبل (Vagina) له فرج (Vulva) څخه جدا کوي.
 
۱- د بکارت پردې بڼه او رنګ: د بکارت پرده د هلال په څېر (کله چې سپوږمۍ يا مياشت مکمله نه وي یعنې نيمه وي نو دغه شکل ته هلال وايي) بڼه يا شکل او ګلابي وزمه رنګ لري. د بکارت پرده په اسانۍ سره نه لېدل کيږي خو لېدنه يې شونې ده.
 
۲- د بکارت پرده په مکمل ډول مهبل Vagina يا دښځې د تناسلي تيوب نه پوښي: په نارمل او روغتيايي ډول سره د بکارت پرده د مهبل يا د ښځې تناسلي آلې لاندې برخه يا سوری پوښوی نه ټول مهبل.
که چېرې د بکارت د پردې په وسيله ټول مهبل پوښل شوی وي، نو دا بيا د بکارت پردې غشاء په غېرې روغتيايي ډول سره نمو کړي او صحي نه ده.
 
۳- د بکارت پرده مياشتني ناروغۍ يا Menstruation دوينې د بهر کېدو لار ده: په بکارت پرده کې دوه کوچني سوري دي، چې له دغه سوريو څخه د مياشتني ناروغي يا Menstruation وينه بهر کيږي، کله چې د بکارت پرده په غېرې نارمل ډول سره نمو وکړي او ياد سوري بند کړي، نو بيا په ښځو کې مياشتنۍ ناروغۍ منځ ته راځي خو وينه نه بهر کيږي، چې دغه ستونزه بيا جراحي عملياتو ته اړتيا لري. ځيني وخت ښځې وايي چې هېڅ مياشتنۍ ناروغي نه لرم، په حقيقت کې مياشتنۍ ناروغي شته، خو د بکارت پردې د سوريو د بندېدو له امله وينه بهر نه وځي.
 
۴- د بکارت پردې دنده: تر ډېرو څېړونو وروسته هم طبي ساينس پوهان په دې نه دي توانېدلي، چې ديادې پردې ځانګړې دنده او ګټه په څه کې ده، دا ځکه چې له جنسي اړيکو وروسته د بکارت پرده له منځه ځي خو کومه روغتيايي ستونزه نه رامنځ ته کوي.
 
۵- د بکارت پردې د پرې کېدو لامل يوازې جنسي اړيکې نه دي: په عامو او نالوستو خلکو کې تر ډېره دا عقيده شتون لري چې د بکارت پردې پرې کېدل او له منځه تلل يوازې او يوازې د جنسي اړيکو پر اساس کېدای شي. دا سمه ده چې د جنسي اړيکو وورسته د بکارت پرده له منځه ځي، خو جنسي اړيکې د بکارت پردې يواځنی لامل نه دی. ټوپ وهل، باېسکل، آس چلول، جمنسټيک کول او ځيې نورې ناروغۍ هم لامل کېدای شي ترڅو د بکارت پرده پرې شي.
 
۶- له جنسي اړيکو پرته د بکارت پردې پرې کېدل نه احساسيږي: کله چې د آس سورلۍ، باسيکل او جمنسټيک تمرين په کولو سره د بکارت پرده څېرې شي، نو درد او نور حس يې نشي کېداي، خو يوازې وينه ترسترګو کېدای شي. د جنسي اړيکو له امله د بکارت پردې پرې کېدنه بيا په ډېره کمه اندازه سره درد لري او حس يې کيږي.
 
۷- د بکارت پرده په ژوند کې يو ځل وي: د بکارت پرده چې يو خل له منځه لاړه شي بيا په هېڅ صورت سره منځ ته نه راځي، تر اوسه داسې جراجي عمليات نه دي تر سره شوي، ترڅو له منځ تللې د بکارت پرده بيا منځ ته راوړي.

هر کله چې د ښځې او خاوند ترمنځ جنسي اړيکې ترسره کيږي، نو هغه جنسي اړيکي چې يو ډول درد او د ناراحتۍ لامل کيږي په انکليسي کې ورته (Painful Intercourse) وايي او علمي نوم يېDyspareunia دی.

درد لرونکي جنسي اړيکې يا dyspareunia په خپله يو ډول جنسي ناروغي ده، چې رواني، حسي، روغتيايي او يا ښايي نور لاملونه ولري.

په دې لېکنه کې درته هه پنځه لاملونه په ګوته کوو، چې د جنسي اړيکو په وخت کې د ښځو لپاره د درد او ناراحتۍ لامل کيږي.

۱- وېره Fear: که چېرې له جنسي اړيکو وړاندې ويره شتون ولري او يا داسې احساس موجود وي چې جنسي اړيکې به درد لامل شي، نو د وجود (لګنې خاصرې عضلې) (Pelvic Floor Muscles) سختيږي او په خپل منځ کې سره ننوځي. د خاصرې لګن د ياد عضلو سختوالی په ښځو کې د جنسي اړيکو په وخت کې د درد لامل کيږي.

همدا ډول د نارينه فزيکي څېره، اندېښنې، تشويش، د ښځې او خاوند ترمنځ نامناسبې کورنۍ اړيکې ياد عضلو د سختوالي لامل دی.

۲- د هورمونونو په اساس وچوالی Hormonal Dryness: ښځينه تناسلي غړي هغه وچوالی پيدا کوي، چې له جنسي اړيکو وړاندې، جنسي تحريک او هڅونه نه وي، او يا هم د ځينو نارغيو په اساس تناسلي آله نشي کولای د جنسي اړيکو لپاره هورمون توليد کړي. د تناسلې آلې وچوالی په ښځو کې د جنسي يوځای کېدنې په وخت کې د درد او ناراحتۍ يو بل لامل شمېرل کيږي.

په ښځو کې د ماشوم له پيدايښت وروسته او هغه وخت چې ماشوم د مور شېدې خوري، د اېسټروجن هورمون اندازه کميږي، تناسلې آله وچوالی پيدا کوي او د درد لامل کيږي.
د ښځو د تناسلې آلې يا فرج د وچوالی يو لامل په صابون سره د هغې پرېمنځل دي، نو د وچوالی د مخنيوي لپاره غوره ده چې ياده برخه په صابون سره پرې نه مېنځل شي.

۳- د خاصرې لګن ډېر سختوالی Pelvic floor muscle over-activity: لکه څه ډول مو وړاندې يادونه وکړه، د جنسي اړيکوو په وخت کې د ښځو لپاره د درد پو عمده لامل، د خاصرې لګن د عضلاتو سخوتوالی دی، ياد سختوالی د وېرې او يا هم نورو مختلفو لاملونو له امله وي.

۴- د فرج او مقعد ترمنځ د برخې عمليات surgical incision of the perineum: د فرج او مقعد ترمنځ د برخې عملياتو ته episiotomy وايي. اپي زياتومي له عملياتو وروسته سخت او کلک ټپ پرېږدي، ياد عمليات هغه وخت ترسره کيږي چې د ماشوم په زېږون کې ستونزه شتون ولري، چې د جنسي يوځای کېدنې په وخت کې ياد ټپ هم ښځو ته د درد لامل کيږي.

۵- له زېږون وروسته جنسي اړيکې: د جنسي اړيکو په وخت کې د ښځو د درد يو بل لامل د ماشوم زېږون دی، په نوې څېړونو کې راغلي ده، چې په سلو کې ۴۵ سلنه ميرمنې له زېږون وروسته تر يو وخت لپاره د جنسي اړيکو په وخت کې د درد احساس کوي.

درملنه:
د يادو ټولو ستونزو د هواري په موخه غوره درملنه د ښځې او خاوند ترمنځ د ښې، ډاډمني او مينې فضاء شتون دی. ښځه بايد له خپل خاوند سره په داسې يو حالت کې جنسي اړيکې ولري چې ترمنځ يې روحي ستونزې، کورنۍ فشار او ويره موجوده نه وي.

له جنسو اړيکو مخکې يو غوره او ښه جنسي تحريک چې په انګليسي کې ورته (Payfore) وايي، بايد ترسره شي، نو شوني ده چې د کورني ژوند د جنسي اړيکو برخه به د خوښ ژوند لامل شي.