Category: روغتیا

  • د پوستکي سپین داغونه او درملنه يي

    د پوستکي سپین داغونه او درملنه يي

    ډاکتر او ناروغ باید پرې خبر وي.

    Topical calcineurin inhibitors

    (tacrolimus or pimecrolimus)

    دا هم د مهلم په شکل شته، د پورتنۍ دوا په اندازه مؤثریت لري، جانبي عوارض یې لږ دی، په تېره بیا په ماشومانو کې استعمالیږي.

    ځيني ډاکتران، دا دوه درمل همزمانه توصیه کوي. خو قیمت يې ډیر لوړ دی.

    Calcipotriol

    (A synthetic analog of vitamin D3)

    دا دوا هم د ملهم په شکل موندل کېږي چې عمدتا د پوټکي د یوې بلې ناروغۍ لباره چې psoriasis نومیږي، استعمالیږي.

    -د لمر د طبيعي وړانګو او ياهم د مصنوعي مخصوص څراغ په وړانګو سره د ډاکتر تر نظر لاندی د ماوف قسمت تداوي.

    ـLaser:لږ شمیر ناروغان دLaser او tacrolimus ،دواړو په مرسته تداوي کیدی شي، خو ډیره ګټه یې لیدل شوې نه ده او هم ګران دی.

    ځيني ناروغان چې د اوږدې مودې لپاره يو يا څو محدود داغونه لري، د جراحۍ په مرسته د يوه سالم ځای نه پوټکې قطع او ناروغ ځای ته پيونديږي.

    Melanocyt grafting

    يوه نوې تداوي ده چې د محدود او کوچنیو پابت داغونو لپاره، هغه داغونه چي اقلا د ۱۲ میاشتو لپاره ېي زیاتوالی موندلی نه وی، ګټورع ده. خو دا هم قیمتي او ګرانه تداوي ده.

    دغه راز د پوټکي رنګول، د سينګار په موادو  پوښل او يا هم دخال يا ټتو Tattooing په مرسته د پوټکي دايمي رنګه کول هم مستعمل دي.

    ځيني خلک د مخصوصې دوا په مرسته د خپل بدن ټول طبيعي رنګ له منځه وړي او ټول پوټکی یې سپين او همرنګه شي.دا ډول درملنه هم ډیره ګرانه ده!

  • دا خواړه مو د معدې تېزاب کموي

    دا خواړه مو د معدې تېزاب کموي

     

    د معدې تیزابیت یو له هغه ستونزو څخه ده، چې ګڼ خلک ترې وخت ناوخت زوریږي. د معدې د تیزابیت لاملونه ډیر دی. بیې وخته خوراک، له حد نه ډير خوړل، او د غذا ډول يې له اساسي علتونو څخه ګڼل کیږي.

    خو پوښتنه داده، چې کوم خواړه کولای شي، د معدې تیزابیت کم او یا هم ختم کړي؟!

    ۱ـ شومړه:

    شومړه، چې ځینې خلک يې لسي، شوملې، شړومبی او تروې هم بولي، د معدې تیزابیت ختمولای شي. یو ګیلاس شومړه له ډوډۍ خوړولو ورسته وڅښئ او د معدې تیزابیت تر ډيره راکم کړئ.

    ۲ـ زیره:

    زیره د هاضمي سیستم پیاوړی کوي او د غذا په هضم کې هم پوره مرسته کوي.

    ۳ـ د نعناع پاڼې:

    د نعناع (ویلني) پاڼې په هضم کې مرسته کوي او د معدې تیزابیت ختموي. له خوراک څه وروسته د نعناع یوه دوه پاڼې وژوئ او د معدې تیزابیت مو تداوي کړئ.

    ۴ـ ادرک:

    ادرک هم د معدې د تیزابیت سره مبارزه کوي. د هاضمي سیستم قوي کوي او د خوړو په هضم کې مرسته کوي.

    ۵ـ لاچي:

    لاچې (هل) هم د خولې بوې ښه کوي، هم د معدې تیزابیت له مینځه وړي. لږ لاچي په اوبو کې جوش کړئ او بیا يې وڅښئ.

    ۶ـ د مڼې جوس:

    د مڼې جوس هم د معدې تیزابیت ختمولای شي.

    ځینې نور خواړه هم ممکن اووسي، چې د معدې تیزابیت راکم کړي، خو پورته ذکر شوي، تر ټولو غوره ثابت شوي دي.

  • څنګه د ځوانۍ دانې تداوي کړئ؟ څو کورنۍ نسخې!

    څنګه د ځوانۍ دانې تداوي کړئ؟ څو کورنۍ نسخې!

    د ځوانۍ دانې یو طبیعي ناروغي بلل کیږي، چې په هر انسان د ځوانۍ پر وخت راخیژي، ددې په اړه هیڅ فکر نه دی پکار، او پخپله تداوي کیږي، خو که چیرې ستونزه جوړه کړي نو بیا یې په لاندې کورنۍ نسخو تداوي کولای شئ.

    هر وخت لاسونه پریمنځل: د انسان د بدن هغه اساسي اعضاء دي چې تر ټولو زیات کاروونکي دي، همدا ډول لاس په بدن کې له هر بل شي زیات جراثیم هم لري، او له یوه ځایه تر بله د همدې په واسطه بکتریاوې یا جراثیم خپریږي، نو لومړی پکار دي چې انسان باید د نظافت خیال وساتي.

    ځان پاک ساتل: په عام ډول انسان ته په کار دي چې خپل ځان پاک وساتي، په ځانګړي ډول هغه کس چې ناروغي ولري، ځکه د ناروغ جراثیم له بل هر چا چټک خپریږي، نو باید پکار دي چې د نظافت خیال وساتل شي او خیرن لاسونه پر دانو ونه وهل شي، نو ددې لپاره پکار دي چې په تړمو اوبو مخ لاس پریمنځل شي او عام صابون وکارول شي، همداسې اړینه ده چې د هر لمانځه لپاره اودس وشي او کوښښ وشي چې یخې اوبه استعمالې سي.

    بیکنګ پاوډر: بیکنګ پاوډر په اوبو کې خیشته کړئ، داسې چې مرهم ځیني جوړ شي، بیا یې پر دانو کیږدئ، (یوازي د دانو پر سر لږ لږ) د لسو دقیقو لپاره یې پریږدئ، بیا یې وروسته په یخو اوبو پریمنځئ، که دغې لارې درته ستونزه جوړوله بیا یې مه کاروئ.

    لیمو: لیمو ددانو لپاره مهم درمل دی، پر منځ یې نیم کړئ، بیا یې کرار کرار د دانو په سرونو ووهئ، وروسته یې په اوبو پریمنځئ، او له لمر څخه د یوې شیبې لپاره ځانونه وساتئ.

    غاښونو کریم: کریم د دانو پر سرونو کیږدئ، یو څه شیبه یې پریږدئ بیا یې پریمنځئ، پام مو وي چې کریم د ښې کمپنۍ وي او دانو ته مو نور ضرر ونه رسوي.

    شات وکاروئ: د ګوتې په سر لږ شات راواخلئ او پر دانو یې ووهئ، او تر هغو ورته منتظر اوسئ چی وچ شي، وروسته لس دقیقې نور انتظار شئ، بیا یې په ټینګو یخو پریمنځئ.

    اسپرین ګولۍ: د اسپرین ګولۍ په واسطه کولای شئ دانې ماتې کړئ، یوه ګولۍ به راواخلئ میده وړه به ځینی جوړ کړئ، بیا یې په لږ اوبو ووهی، چی ټینګ شي او مرهم ځینی جوړ شي، بیا یې پر دانو ووهئ، د لسو دقیقو لپاره یې پریږدئ او بیا یې پریمنځئ.

    همدا ډول د مخ دانو لپاره ډیرې اوبه څښل، ورزش کول، بدن خوله کول، او تر دې وروسته غسل کول هم اړین دي، او ددې په مخنیوي کې ګټور ثابتیدای شي.

    او که چیرې مو دانې په دې لارو ښې نه شوې، باید یوه ښه ډاکټر ته ورشئ، مشوره ورسره وکړئ او درملنه یې ترسره کړئ، او د تداوۍ پر وخت هیڅ غفلت مه کوئ، ځکه چې د ډیر خرابوالي په صورت کې دانې د سرطان ناروغۍ لامل هم کیدلای شي.

  • که د پښو له بدبويۍ کړیږئ نو لاندې طریقې تجربه کړئ

    که د پښو له بدبويۍ کړیږئ نو لاندې طریقې تجربه کړئ

    پښې بدبويي دوه لاملونه لري چې یو يي د بدن زیاته خوله کول او دوهم يي د باکتریا ځینې ډولونه دي. باکتریا په بدن کې ځینې ګازونه تولیدوي چې د پښو بدبویۍ لامل ګرځي.

    د پښو بدبويي له منځه وړلو لپاره لاندې لارې ډیر ګټور ثابتیدلی شي:

    ۱- اپسوم (Epsom) مالګه: اپسوم مالګه د پښو بدبويي له منځه وړلو سربیره د پښې درد هم اراموي.

    ضروري توکي:

    ۱/۲ پیاله اپسوم مالګه

    ۸ ګیلاسه ټړمې اوبه

    پښو وچولو لپاره ټوټه

    طریقه: ۲/۱ پیاله مالګې په ۸ ګیلاسه ګرمو اوبو کې واچوئ او خپل پښې د ۳۰ دقیقو لپاره دغه اوبو کې کیږدئ. دغه عمل د څه مودې لپاره د ورځې دوه ځلي تکرار کړئ.

    ۲- بکینګ سوډا (Baking Soda) او ستروس: بېکینګ سوډا د استعمال ډیر ځایونه لري خو د پښو په برخه کې معجزه کوي. بېکینګ سوډا په طبیعي ډول د پښو بدبويي له منځه وړي، مضر باکتریا ختموي او پښې په ارامولو کې مهمه ونډه لري.

    لیمو د بدن او پښو خوله کوم چې د پښو بدبويي سبب ګرځي مخه نیسي او انسان تازه کوي.

    ضروري توکي:

    ۱/۴ پیاله بېکینګ سوډا

    ۸ ګیلاسه اوبه

    د ۱ لیمو اوبه

    پښو وچولو لپاره ټوټه

    طریقه: ۱/۴ پیاله اوبه په یوه لوښي کې واچوئ او ۸ ګیلاسه ګرمې اوبه پرې زیاته کړئ. دغه محلول کې د یو لیمو اوبه زیاته کړئ او خپل پښې دغه اوبو کې ډوب کړئ. دغه عمل ۱۵-۲۰ دقیقو لپاره ادامه ورکړئ او بیا خپلې پښې وچې کړئ.

  • د خوشاله خاوند اوميرمنې د بريا راز

    د خوشاله خاوند اوميرمنې د بريا راز

     

    ۲۳ که څه هم تاسوشريک دوستان لرئ خو خپل دوستان له لاسه مه ورکوئ او کله کله مو ميرمن سره يوځای له هغوی سره ښه وخت ولرئ

    ۲۴ دا مو دميرمن دنده نه ده چې له تاسو نه ستړيالرې کړي. ترهرڅه وړاندې بايد تاسو په خپله دخپلې خوښۍ لپاره هڅه وکړئ

    ۲۵ دمقابل لوري باور ترلاسه کړئ اوخپله هم په هغې باور ولرئ

    ۲۶ دبحث پر وخت ځان ته حمله کونکی حالت ته مه غوره کوئ. هڅه وکړئ چې هره مسله په مينه اومهربانۍ سره حل کړئ. ميرمن موستاسودښمنه نه ده بلکې ستاسو ملګرې اوخواخوږې ده

    ۲۷ تل په ياد ولرئ چې ولې مو له ميرمنې سره مينه لرئ اوهغې ته مثبت ځواب ورکړئ

    ۲۸ هغې ته ووایی: مينه درسره لرم او وښاياست چې څومره درته جذابه ده

    ۲۹ هغه څه موچې دميرمنې د ښايست او آرامۍ سبب کيږي په خوله ورته ووایی. په ياد ولرئ چې واده ماتونکی دی هميشه څارنې ته اړتيالري

    ۳۰ له ژوند نه همدا اوس خوند واخلئ. د نامعلومې راتلونکې اوتير وخت تلف مه کوئ. هغه څه چې لرئ ښه ډير خوندترې واخلئ، ژوند له هغه هم لنډ دی چې فکر يې کوئ

  • ميندې دې له زېږون وروسته دا ټکي په پام کې ولري

    ميندې دې له زېږون وروسته دا ټکي په پام کې ولري

    ژباړه: حمیدالله حمیدي

    ميندې له زېږون وروسته په لومړیو اونیو کې جدي پاملرنې ته اړتیا لري؛ نو د کورنۍ غړو ته یې بويه چې په دې موده کې ورسره اړينه مرسته وکړي. غذایي رژیم هم په دې موده کې د مور او ماشوم په روغتیا کې مهم رول لوبوي، چې باید پام ورته وشي. امیدوارې مېرمنې او د کورنۍ غړي باید دغو ټکو ته جدي پاملرنه وکړي:

    امیدواري، د ښځو په ظاهر او باطن دواړو کې د بدلونونو لامل کېږي. خو له زېږون وروسته کېدای شي څو اونۍ وخت ونیسي چې ښځه خپل پخواني حالت ته را وګرځي. د کورنۍ غړي باید د دوو یا دريو اونيو په موده کې له میندو دا تمه ونه کړي، چې دوی دې خپل لومړني حالت ته را وګرځي او له دوی سره دې د کور په کارونو کې مرسته وکړي.

    لږ تر لږه شپږ اونۍ وخت ته اړتیا ده، چې مېرمنې له زېږون وروسته اصلي حالت ته را وګرځي، خو دغه څه بیا هم په دې پورې اړه لري چې دوی په لومړنیو اونیو کې له ځان څخه څه ډول ساتنه کړې ده او کوم ډول غذایي رژیم يې درلودلی دی.

    له زېږون وروسته باید کوم خواړه وخوړل شي؟

    غذایي رژیم د نویو زېږوونکو مېرمنو او نوي زيږېدلي ماشوم پر روغتیا مستقیمه اغېزه کوي. د حمل پر مهال هم مېرمنې نه یوازې د خپل ځان بلکې د خپل جنین د اړتیاوو د پوره کولو مسوولیت پر غاړه لري، خو له زېږون وروسته دغه څه بېخي په دوی پورې اړوندېږي، تر څو د ځان او خپل ماشوم دواړو خیال وساتي.

    دا چې میندې خپل ماشوم ته شیدې ورکوي، نو اړتیا ده، چې حساسیتونو ته په پام سره خپل غذایي رژیم برابر کړي. دې ته هم باید پام وشي، چې کوم خواړه د زېږون پر وخت او کوم خواړه له زېږون  ورسته د دواړو په ګټه دي.

    نوې زېږوونکې مېرمنې دې هڅه وکړي چې پروټین، مېوې، سبزۍ، غلې او دانې په خپل غذایي رژیم کې ور زیات کړي. دا چې اوس مور مجبوره ده خپل ماشوم ته شیدې ورکړي؛ نو د لبنیاتو، په ځانګړي ډول شېدو، خوړل دې نه هېروي. دا هم ښکاره ده چې په دې وخت کې د غوړو غذاګانو خوړل په هېڅ ډول د توجیه وړ نه دي، نو میندې دې ترې په جدي توګه ډډه وکړي.

    په دري کې متل دی وایي، «کاچی به از همه چی». (شیره تر هڅه غوره ده)

    زموږ په ټولنه کې د شيرې خوراک، نویو زيږوونکو مېرمنو ته په یوه سنت بدل شوی دی. که څه هم چې ځوانې مېرمنې له دې ډول خوړو سره چندان علاقه نه لري، خو د کورنۍ مشرې مېرمنې یې په زور خوړلو ته مجبوروي، ځکه دوی په دې اند دي چې دغه ډول خواړه د مور او ماشوم دواړو لپاره ګټور دي. خو ډاکټران بیا وایي چې په دې وخت کې د مېرمنو لپاره په دومره کچه غوړ خواړه د ګټې پر ځای زیان رسوي، ځکه مېرمن د استراحت په حالت کې وي او په دې حالت کې باید د زیاتې کالورۍ لرونکي او غوړ خوراکونه ونه خوړل شي، ځکه د وزن د زیاتېدو لامل کېږي چې بیا په راتلونکې کې ستونزې زېږوي.

    مېرمنې څه ډول خپل وزن کم کړي؟

    لږ تر لږه شپږو میاشتو ته اړتیا ده چې له زېږون وروسته د ميندو وزن خپل اصلي حالت ته را وګرځي. ډېری وخت له زېږون وروسته مېرمنې خپل یوه اندازه وزن له لاسه ورکوي. اوبه، وینه او ماشوم لږ تر لږه پنځه یا شپږ کیلو وزن لري چې په ټوله کې د مور له بدن څخه کمېږي. په اصل کې دا تاسو خپله یاست چې په تدریجي ډول خپل وزن کم او کنټرول کړی.

    ايا خېټه په تړل کېدو کوچنۍ کېدای شي؟

    ډېری په دې اند دي چې مېرمنې باید له زېږون وروسته سمدستي خپلې خېټې په ځانګړي (شکم بند) یا کمربند وتړي څو بېرته ټولې شي، خو ډاکټران وایي چې دغه څه ګټه نه کوي بلکې د وخت په تېرېدو او ځانګړي ورزش سره خېټه ټولېږي او اصلي حالت غوره کوي. خو بیا هم که د خېټې تړل دومره کلک نه وي چې د بدن نورو داخلي غړو ته مزاحمت پېښ کړي، کومه مانع نشته کېدای شي له ورزش سره په څنګ کې دغه چاره هم مرسته وکړي.

    کوم ورزش ګټور دی؟

    هغه مېرمني چې په طبيعي ډول یې ماشوم زېږولی وي، کولی شي له هماغه لومړۍ ورځې ورزش کول پیل کړي؛ خو که یې سېزارین عملیات کړی وي، بیا نو خپله په مېرمنې پورې اړه لري چې څه وخت په خپل وجود کې د ورزش کولو توان ویني. یعنې کله چې د ټپ درد له منځه ولاړ شي بیا مېرمنې کولی شي ورزش پیل کړي. له لسو دقیقو یې دې پیل کړي او ورو ورو یې دې تر شلو دقیقو پورې ورسوي. ښکته او پورته کېدل یې لومړنۍ مرحلې دي چې کولی شې په دې ډول یې پیل کړي. کولی شي په ناستو خپلې پښې وغځوي او بیا یې راټولې کړي، دغه ډول کړنې دې څو ځلې تکرار شي.

    له پرهارونو سره څه وشي؟

    هغه مېرمنې چې د سېزارین د عملیات له لارې یې ماشوم زېږولی وي، په لومړۍ اونۍ کې باید د خپلو ټپونو جدي خیال وساتي، ځکه که مېکروبي شي ستونزې جوړوي. د مور روغتیا له ګواښ سره مخ کېږي، هغه ده چې د خپل ماشوم خيال نه شي ساتلی. ټپ باید پاک وساتل شي؛ نو له همدې کبله باید په ورځ کې درې ځلې ومینځل شي. د مینځلو لپاره بايد نري بتادين او پاکې اوبه وکارول شي. یعنې ۹ برخې اوبه او یوه برخه بتادین دې سره ګډ کړای شي او زخمونه دې پرې پرېولل شي.

    مور څه وخت ځان مینځلی شي؟

    خېرنوالي ان په عادي وخت کې هم ناروغۍ زېږولی شي، خو په داسې یوه مرحله کې چې مور نوی ماشوم زېږولی وي، ډېره دې ته لار هوارېږي چې په ډول ډول ناروغیو اخته شي. د ځان مينځلو په برخه کې هېڅ موانع شتون نه لري، مېندې کولی شي په ورځ کې دوه ځله په عادي ډول ځان ومینځي، خو یوه څه ته یې باید پام وي چې په حمام کې له هغه مینځونکو توکو ګټه وانخلي چې په نورو عادي وختونو کې یې کارول. ځکه کېدای شي د ټپ د سوزېدو او درد لامل شي. د لویانو د شامپو او صابون پر ځای دې د ماشومانو له صابون او شامپو څخه ګټه واخیستل شي. هڅه دې وشي چې د ځان مینځل ډېر وخت ونه نیسي او ستړې يې نه کړي.

    څه وخت وګرځي؟

    له طبيعي زېږون وروسته میندې کولی شي هر وخت یې چې زړه وغواړي قدم ووهي. هېڅ ګواښ یې پر وړاندې نه پېښېږي، بلکې دغه څه لا ورته ګټه رسوي. خو هغه مېرمنې چې د سېزارین د عملیات په وسیله یې ماشوم زېږولی وي، کېدای شي د دوی لپاره د جنرال او یا هم سپینال د بې هوښۍ ستنې کارول شوې وي. نو ښه ده، چې له ۸ یا دولسو ساعتونو وروسته قدم وهل پیل کړي.

  • د هوږې خوړلو يوه ډيره حيرانوونکې ګټه ښکاره شوه

    د هوږې خوړلو يوه ډيره حيرانوونکې ګټه ښکاره شوه

    امریکايي څېړونکو دا څرګنده کړې چې هوږه د روغ زړه لپاره ولې ښه ده. هغوی وايي دا راز د هوږې په هغې مادې کې پټ و چې (ایلیسین)نومېږي.

    همدا ماده سبب کېږي چې د هوږې له خوړلو وروسته مو له خولې بد بوی ځي. ساینسپوهانو په خپلو څېړنو کې مالومه کړې چې همدا ماده (ایلیسین) د وینوله سرو ګولوبولونو سره یوځای کېږي او هایدروجن سلفایډ پیدا کوي او په نتیجه کې یې د وینو پر شریانونو او رګونو فشار کمېږي او د وینو جریان اسانېږي.

    د امریکا د الباما پوهنتون له لوري په دې څېړنه کې د امریکا د ساینس د ملي اکاډیمۍ څېړنې هم رول لري. هغوی وايي کله چې یې د څېړنې په ترڅ کې د وینې سره ګولوبولونه د هوږې په شیرې یا اوبو کې واچول نو د هغو په ټینګوالي کې دوه اویا فیصده توپیر راغی.

    د دې څېړنې د ډلې مشر ډاکتر ډیوید کراس وویل «زموږ د دې څېړنې له پایلو ښکاره شوه چې په خوړو کې د هوږې شتون ډېر ګټور دی او همدا علت دی چې د لېرې ختیځ په څېر هغو هیوادونو کې چې هوږه زیاته خوړل کېږي، د زړه ناروغۍ کمې دي.

  • دغه خواړه زکام لپاره طبیعي درمل دي

    دغه خواړه زکام لپاره طبیعي درمل دي

    د روغتیا لپاره خپل هاضمه سیسټم روغ وساتئ. کله چې هاضمې سيسټم په صحیح ډول فعالیت وکړي نو ډیره اندازه ګټور مواد به جذب کړي کوم به چې د بدن په روغتیا کې ځانګړی ارزښت ولري. روغتیا لپاره دا اړین دی چې ځان له باکتریا او ویروس څخه وژغورئ.

    دلته هغه خواړه در پیژنو چې د زکام په مقابل کې د درمل خاصیت لري او د زکام لپاره تر ټولو چټک او طبیعي درمل ګڼل کیږي:

    ۱- زنجفیل (Ginger): په زنجفیل کې شته غوړ د انسان بدن تودوي، له بدن سره په خوله کولو کې مرسته کوي، له بدن څخه تبه او زهرجن مواد له منځه وړي. دغه خواړه د میتابولیزم فعالیت زیاتوي. د دغې خواړه ګرم کوونکی خاصیت انسان کې زړه بدیدل له منځه وړي. زنجفیل د هاضمې سیستم فعالیت زیاتوي او سربیره پر دې د ځیګر او سینې مختلفو ناروغیو ته ډیره زیاته ګټه لري.

    د زکام او ستونې درد لپاره تازه زنجفیل په خپل چای یا خواړه کې زیاته کړئ. په چایو کې د لازیاتو ګټو لپاره د زنجفیل سربیره لږه اندازه شات هم زیاته کړئ.

    ۲- هوګه: دغه خواړه کې د الیسین (Allicin) نومې مواد موجود دي چې دغه مواد هوګې ته د باکتریا ضد خاصیت ورکړی. هوګه د وینې پاکولو سره د انسان ځیګر هم پاکوي ځکه چې وینه درې دقیقو کې یو ځل ځیګر ته داخلیږي. د وینې سپین کرویات زیاتولو سره د انسان دفاعي سیسټم پیاوړی کوي.

    ۳- جوف (Cayenne): په جوف کې موجود زیاته اندازه ویټامین سي (C) دغه خواړه د زکام لپاره په یو طبیعي درمل بدلوي. دغه خواړه کې سربیره پر ویټامین سي (C) زیاته اندازه ویټامین اې (A)، بي (B)، کلسیم او پوتاشیم هم موجود دي. دغه خواړه په بدن کې د وینې جریان چټک کوي. دغه خواړه د ګولیو او شربت په توګه هم موجود دی چې دوه ګولۍ ۴۰۰۰۰ یونټ تودوخه او څلور څاڅکي شربت ۲۰۰۰۰۰ یوڼت تودوخه تولیدوي.

    ۴- خمیره شوي خواړه: دغه خواړه په بدن کې ګټور باکتریا لکه اسیدوفیلس (Acidophilus) او بیفیدس (Bifidus) زیاتوي. د دې خواړه یو له غوره مثالونو څخه ماسته دی.

    ۵- شنه پاڼې لرونکي: شنه پاڼې لرونکي سابه لکه کرم، سپین چغندر او پالک په زیاته اندازه استعمال کړئ ځکه چې دغه خواړه د ویټامین بي ۱۲ (Vitamin B12)، فولک اسید (Folic Acid)، پوتاشیم، ویټامین اې (A)، سي (C) او کې (K) غوره منبع ده کوم چې د بدن دفاعي کانال پیاوړی کوي.

  • سهار مهال د مېوې خوراک حيرانوونکې ګټه ښکاره شوه

    سهار مهال د مېوې خوراک حيرانوونکې ګټه ښکاره شوه

    ژباړه: حمیدالله حمیدي

    متخصصین وایي که غواړی مناسب او ښکلي اندام ولرئ سهار مهال يوازې مېوه وخورئ او تر غرمې بل څه مه خورئ. د دغه رژیم لپاره تر ټولو غوره مېوه د الوبالو ډولونه، ناک او نورې تازه مېوې دي.

    که سهار مهال د نورو خوړو پر ځای له لیمو سره یوځای د مېوې خوړل پېل کړئ، نو وبه ګوری چې د بدن اضافي وازګې مو په ويلي کېدو پيل کوي. دا چاره مو پر دې سر بېره چې اندام ښکلی کوي، ورزش کولو ته مو لېوالتیا هم ډېروي.

    په سهار کې د مېوې او لیمو خوړل هغه ويټامینونه او فلزات پوره کوي چې په بدن کې د سلولونو جوړولو دنده لري. یو څه ته مو باید پام وي چې د لیمو په خوړلو کې اعتدال په پام کې ونیسئ.

    د مېوې خوړل ځګه ګټور دي، چې غوړ نه لري، خواږه پکې کم دي او د بدن اضافي وازګې له منځه وړي.
    مېوې د بدن په جوړېدو، کلکېدو او اوبدلو کې مهمه ونډ لري، پر دې سربېره د بېلابېلو ناروغیو مخه هم نیسي. ډېری کسان د دې لپاره چې وزن یې کم شي ډول ډول درمل کاروي، چې ډېر کله جانبي ستونزې پيدا کوي.

  • د خولې د بد بوۍ دمخنيوي اسانه لار

    د خولې د بد بوۍ دمخنيوي اسانه لار

    د خولې بدبویي، چې بي نوم یې (Halitosis) دی، یوه عامه ناروغي ده چې ډېر خلک ورسره په تکلیف دي.
    اصلي لامل یې د خولې پاک نه ساتل او یو شمېر ناروغۍ ښودل کېږي.
    که د چا د خولې بد بوۍ ځي باید هر شپږ میاشتې وروسته د غاښونو ډاکټر ته ورشي او معاینه یې وکړي، هره ورځ له اتو تر لسو ګیلاسو اوبه وڅښي او د شپې لخوا هوږه او پیاز ونه خوري.
    د ډېرو کسانو د خولې هغه مهال بد بوۍ ځي چې له تیز بوی لرونکو یا مساله دارو خوراکونو څخه وروسته خوله ونه مینځي، ځکه د خوړو وړې ټوټې په غاښونو او وریو کې پاتې کیږي او که په ځانګړي ډول داسې خوراکونه د شپې له خوا وخوړل شي چې د خولې بدبویي رامنځته کوي.
    د خولې د بد بوۍ یو عیب دا هم دی چې په خپله هغه چا ته چې خوله یې بد بوۍ لری، نه معلومېږي. که غواړئ چې د خپلې خولې پر بوۍ پوی شئ، نو اوبو ته (په تشناب کې د اوبو څوښکي ته په داسې حال کې چې اوبه بهیږي) خوله نژدې کړئ او بیا د لاس په رغوي د خپلې خولې بوۍ وازمویاست.
    ځیني خوراکونه په تېره بیا سبز یجات او مېوې د خولې د بد بوی له مخنیوي سره ډېره مرسته کوي.
    ویلنی او دڼیا یا ګشنیز
    د ویلني یا دڼیا/ ګشنیز څو پاڼې خولې ته واچوئ، دغه پاڼې که څه هم غاښونه نه پاکوي خو د غاښونو له کبله د بدبویۍ رامنځته کېدل له منځه وړي، دغه تجربه ډیره اغیزمنه ده خو په یاد ولرئ چې د همیشه لپاره نه بلکې د خولې د بدبوی لنډمهاله چاره کوي.
    لیمو
    که په ناڅاپي ډول او یا داسې ځای کې مو په خوله حکې بد بوۍ پیدا شو نو د لیمو دانه راواخلئ او خولې ته یې واچوئ، یا یې په یوه ګیلاس اوبو کې واچوئ او وڅښئ، ځکه چې لیمو د خولې باکتریاوې وژني، او د خولې بدبوی زیاتره وخت د دغو باکتریاو له کبله رامنځته کیږي، که کله مو پیاز یا هوږه وخوړه نو د بوی ختمولو لپاره ورپسې یو لیمو هم وخورئ.
    مڼه
    مڼه له اوبو څخه برخمنه میوه ده چې په خوله کې د لعاب اندازه زیاتوي، او په مرسته یې باکتریاوې له منځه ځي.
    سبناری کول / سهارنۍ ناشته
    پوهان وایي که څوک د خولې بدبوۍ لري او سبناری نه کوي نو د ده ناروغي په درمل هم له منځه نه ځي، دوی زیاتوي چې د خولې بدبویي ختمولو لپاره سبناری او چای څښل تر ټولو اړین دي، په سبناري کې شین چای څښل ډېر اغېز لري.
    ژاولې ژوول
    د محدود وخت لپاره که غواړئ د خولې بدبوی مو له منځه ولاړه شي یو ډول غوره ژاولې وژويئ، په ځانګړې ډول هغه ژاولې چې د ویلني خوند ولري.
    د یادونې ده چې د خولې بدبویئ رامنځته کېدلو ستر لاملونه د تمباکو ، استعمال، نسوار، او د خیټې ستونزې دي.