هغه خوراک او څښاک چې خوب مو تښتوي؟

یو شمیر خواړه شته، چې د ښه خوب سره مرسته کوي، خو ځینې نور بیا برعکس، خوب تښتوي او انسان ناراحته کوي. د شپې ناوخته خوراک کول هم په لویه کچه خوب خرابوي.
دلته د هغه خواړو لیست ستاسې مخ ته ږدو، چې خوب تښتوي. دا خواړه کم تر کمه درې ۳ ساعته مخکې بسترې ته له تلو وخورئ:
۱ـ تور چاکلیټ:
دا چاکلیټ که څه هم زیاتې ګټې لري، خو د شپې له مخې یې خوړل د خوب لپاره ګټور نه دي. دا چاکلیټ په زیاته اندازه طبعي کافین لري، چې خوب تښتوي.
۲ـ تراخه خواړه:
سپایسي یا ترخه خواړه د زړه ضربان زیاتوي، او د وجود تودوخه هم لوړوي. دا ډول خواړه تاسې تر نیمې شپې بیدار ساتي.
۳ـ کباب او سره شوې غوښه:
کباب او سره شوې غوښه په زیاته اندازه پروټين او وازده لري، چې هضمول يې ډیر وخت ته ضرورت لري. دا خواړه ستاسې خوب تښتوي.
۴ـ ګلپي:
ګلپي په زیاته اندازه فایبر لري، چې ددې هضمول هم ډیر وخت نیسي. دا خواړ ستاسې وجود فعال ساتي او خوب ته مو نه پریږدي