د کب يا ماهي غوښه او حيرانوونکې ګټې يي

هسې خو ماهي، ممپلي، پسته، کاجو، چارمغز، بادام او کافي د ژمی خوراک ګڼل کیږی، خو په ډېرو کورونو کې ماهیان د سړې هوا د راتګ نښه وي او د ژمي په راتګ سره د ماهيان استعمال پیلېږي، دا ډول خواړه نه یوازې بدن ګرموي، بلکې په دې کې موجود غذايي مواد بدن ته له ناروغیو سره د مبارزې توان ورکوي.
کله چې د رواني روغتیا او معافیت سیستم په اړه خبرې کېږي نو د ژمي موسم یو سخت موسم ګڼل کېږي؛ خو که تاسې ماهیان وخورئ نو د ژمي موسم به پرته له کوم مشکل درباندې تېر شي.
د زړه ساتنه کوي:
د زړه ناروغي د مړینې یو له مهمو لاملونو څخه دی او سړه هوا په زړه اضافي فشار راوړي، نو په اونۍ کې لږ تر لږه دوه ځله په اومیګا – تري بډایه ماهیان خوړل د ژور خپګان او د زړه پورې اړوند روغتیا خطرونه کموي لکه د وینې لوړ فشار، د زړه حمله او فلج.
د ویټامین ډي د کمښت مخه نیسي:
په ژمي کې د لمر وړانګې کمېږي او په دې ډول زیاتره خلک د ویټامین ډي له کمښت سره مخ کېږي؛ خو که په دې موسم کې ماهیان وخوړل شي نو بدن ترې ډېر ویټامین ډي جذبوي، ځکه چې ماهي اومیګا -تري شحمي اسیدونو ترڅنګ ویټامین ډي هم لري چې د رواني او د زړه روغتیا ته وده ورکوي.
سږي ښه ساتي:
سږي د ژمي په موسم کې د بدن تر ټولو زیانمنه کېدونکې برخه ده، ځکه چې د زکام، فلو او نورو تنفسي انتاناتو له خطر سره مخ کېږي او اومیګا-تري شحمي اسیدونه په سږو کې د هوا جریان په زیاتولو کې مرسته کوي، نو د ماهیانو خوړل له میکروبونو سره مبارزه کې مرسته کوي.
پوستکي ته ګټه رسوي:
سړه هوا پر پوستکي هم بده اغېزه کوي، که دا اغېز یا مستقیم وي یا غیر مستقیم؛ خو ماهي کولی شي چې د پوستکي په ساتنه کې د اومیګا -تري او اومیګا – سیکس شحمي اسیدونو په لرلو سره مرسته وکړي او د پوستکي د وچېدو مخه ونیسي.
په ماشومانو کې ساه لنډي کموي:
ساه لنډي یوه عامه ناروغي ده چې د وخت په تیریدو سره تنفسي نلونه پړسوي. د دې ناروغۍ خپریدل په تیرو څو لسیزو کې ډېر شوي او ماشومان په ژمي کې د سږو له ناروغیو سره ډېر مخ کېږي. د مطالعاتو له مخې، د ماهي منظم استعمال په ماشومانو کې د ساه لنډۍ خطر ۲۴ سلنه کموي.
د مفصلونو د درد په کمولو کې مرسته کوي:
زیاتره خلک د اوړي په پرتله په ژمي کې د مفصلونو دردونو لري، چې د دې لپاره باید په ژمي کې ماهیان وخوري، چې د اومیګا تري شحمي اسیدونه د التهاب په کمولو او د مفصلونو د درد په کمولو سره د مفصلونو د درد په درملنه کې مرسته کوي.
د ماهیانو غذایي مواد:
د ماهیانو خوړل د ځینو منرالونو لکه اوسپنه، زنک، پوتاشیم، مګنیزیم، کلسیم، نیاسین، سیلینیم او ویټامین ای، بي۱۲ او ډ د ترلاسه کولو لپاره یوه غوره سرچینه ده. همدغه ډول د پروټین یو تر ټولو بډایه سرچینه هم ده چې په ژمي کې یې خوړل دفاعي سیستم پیاوړی او مضبوط ساتي.
مهم شیان:
۱. دا په ځمکه کې یو له ډېرو صحي خواړو څخه دی.
۲. په دوبي کې د ماهیانو له خوړلو څخه ډډه وکړئ ځکه چې دا د اسهال او نورو روغتیایی ستونزو لامل کېدلی شي.
۳. که څه هم ټول ماهیان د پروټین غوره سرچینې دي، خو هغه ماهیان چې د اومیګا تري شحمي اسیدونو لري، د زړه، دماغ، سترګو او عمومي روغتیا لپاره ډېرې ګټې لري.
۴. امیندواره یا شیدې ورکونکي میرمنې باید په اونۍ کې له اته څخه تر دولس اونس ماهیان وخوري.