نه ګرځېدل او ډېر کېناستل دغه خطرناکه ناروغي رامنځته کوي او تل بايد
یوه نوې طبي څېړنه ښيي چې کم او یا نه ګرځېدل او د اوږدې مودې لپاره په یوځای کښیناستل د انسانانو او په ځانگړې توگه د نارینو د هډوکو د کمزورتیا او ماتیدو سبب کیږي.
د څیړنې نتیجې چې د نړۍ د عامې روغتیا په ژورنال کې خپرې شوي ښیي چې نارینه د ښځو په پرتله په متوسط ډول زیات په یو ځای کې کښیني او پدې خاطر د هغوی هډوکې په ځانگړې توگه د ملا هډوکي کمزوري دي.
دغې څیړنې ښودلې هغوی چې د عمر په شپیتمې کلیزې کې دي او ټوله ورځ ځای پر ځای کښیني ډیر د هډوکو د کمزوري کیدو او د پوچیدو په وجه د هډوکو د ماتیدو له خطر سره مخامخ دي.
خو دغه نوې موندنې ښیي چې د ورځې په لس زره قدمه گرځیدو سره کیدای شي هډوکي قوي شي.
