بابر اعظم د افغانستان په وړاندې په لوبه کې برخه نه اخلي، وايي زه د افغانستان
د پاکستاني رسنیو د خبرونو په بنسټ د افغانستان او پاکستان ترمنځ په اماراتو کې په ترسره کېدونکو لوبو کې ددې هېواد د ملي ټيم کپتان بابر اعظم برخه نه اخلي، پاکستاني رسنیو ویلي دي چې بابر اعظم او ويکيټ کيپر محمد رضوان به په دې موده کې استراحت وکړي.
د ميډيا د راپورونو په اساس د افغانستان سره د د لوبو مشري به د شاهين افريدي په غاړه وي. د پاکستان ټيم به د روانې مياشتې په ۲۲ د شارجې په لور روانه شي او په ۲۴ تاريخ به ددواړو هېوادونو ترمنځ لومړۍ لوبه ترسره شي.
په پام کې وه چې د افغانستان او پاکستان ترمنځ پینځوس اوریزه لوبی ترسره شي خو د پاکستاني لوري په غوښتنه د افغانستان او پاکستان ترمنځ به دری شل اوریزه لوبې ترسره شي او ترلاسه کېدونکې پيسې به ددواړو ټيمونو ترمنځ نيم په نيمه ووېشل شي.
