د سر په وېښتانو کې پخې ولې زياتېږي؟ لاملونه او حل لارې یې دلته ولولئ
په ژمي کې په وېښتانو کې د پخو زياتېدل يو له عامو ستونزو څخه دي، خو ددې سره سره ځینې مهال بعضې کسان په نورو موسمونو کې هم له دې ستونزې څخه کړېږي.
په سر کې د پخو د زیاتېدو ځینې لاملونه
ځینې وخت چې يو کس د خپل سر ویښته ښه ونه مينځني او شامپو یې په وېښتانو کې پاتې شي نو دا هم په سر کې د پخو د زیاتېدو سبب کېږي. پکار ده د شامپو د استفاده کولو په پرېمانه اوبو سره ښه ومينځل شي.
په ځينې کسانو کې بعضې ناروغۍ هم ددې سبب کېدی شي په ځانګړي ډول د سر د پوستکي زیات غوړېدل ددې سبب کېدی شي چې د کومې ناروغۍ لکه ملسېزيا په رامنځته کېدو دا غوړ پوستکی د پخو سبب شي پخپله پخه د سر د پوستکي د مړو حجرو څخه رامنځته کېږي.
په ځينو پېښو کې داسې هم شوي دي چې په ګرمو اوبو حمام کول د سر د پخو سبب شي ځکه چې زیاتو ګرمو اوبو سره د سر د نم توازون له منځه ځي او ورسره په وچ يا غوړ پوستکي کې پخې را پيدا کېږي ښه داده چې په ډېرو زياتو اوبو سر ونه مينځل شي.
